Ae Zindagi....

Ae zindagi tujhe jiyun toh kaisey jiyun
Kya jo main karun Kya na karun
Kabhi toh main ro doon Kabhi Jo Hassun
Kahin Khaffa ho key yun din kho doon
Ya kissi k pyaar mein raat bhar na soe-oon
Kuch toh Bata main kya karun

Kahin kadamo se sara jahaan naap loon
Ya yunhi kahin rukh k jaise thama rahoon
Panchiyon sa udta firoon,Machli sa taierta rahoon
Ya yunhi khudi mein khoya rahoon
Kabhi jo aasmaan choo loon
Kabhi jo yun thakk jayun
Haarta rahoon ya jeet jaata rahoon
Ae zindagi tujhe jiyun toh kaisey jiyun

Andhero ki tarah gumnaam reh jayoon
Ya jo Roshani jaise jagmagaayoon
Tere geet Gungunaata chaloon
Ya chup chaap sa baitha rahoon
Jogi Ban Masti karoon
Ya Bhogi bana bhatakta rahoon
Kuch toh Bata Main Kya Karun

Tere rango mein rang jayun
Ya apne naye rang dhoond laayoon
Chaand ko takta rahoo
Ya chand k paar Chaloon
Hatho ki lakeero mein chaloon
Ya hatho se apni Raahein bana loon
Ae zindagi tujhe jiyun ya Yun hi marr jayun

Yeh jo Main swaalo mein ghira hoon
Issey Zindagi kahun ya kya naam doon
Tujhse swaal karoon
Ya apney hi jwaab deta chaloon
Kitna bhi Jaan loon
Tujhi mein main reh jayoon
Tu hi mujh mein, Main tujhi se banoo
Bas yun jiyun k har pal zindagi Jee sakun